Sounf kay Faiday Sounf Say Desi ilaj

Sounf kay Faiday Sounf Say Desi ilaj

196-sounf-kay-faiday-Sounf-say-desi-ilaj

Ataba asaibalghami o soodaavi amraz, jigar o thaal or gurdon kay saddon ko kholnay kay liy pilaty rehty hain. Dard e shakam, nafkha shakam aur zuef e maida mein eska estmal bohat ziada hay. Doodh barhany kay liy eska safoof bana kar hamrah cow milk estmal kia jata hay. Sounf takwait e basar kay liay nihaiat mufeed hay. Dama, khansi aur nazol ul maa kay liay bhe azhad mufeed hay.

Maiada kay ikhlat fasad o glaeez mada ko kharij krti hay. Tabkheer e maiada kay andar azhad mufeed hay aur dasat band krti hay.

Sounf Ka Tabbi Estmal

Adrar Haeez: Sounf 2 tola, gurr purana 4 tola, 3 pao pani mein josh dain. Pao bhar rehny par chan kar garm garm pila kar lihaf urraha kar mareez ko litain. Inshallah 2-3 bar estmal krany par haeez khul kar aaiy ga.

Mussfa Sheer : Sounf umanda bareek pees kar hamwazan surkh shakkar mila kar 1-3 tola tak garm doodh kay hamrah khaian. 1.5 pao pani mein bhigo kar 3 hour aag par josh dain aur neem gram pilain. Nazla zukam kay liay enthai lajwab hay.

Mattali o Kayy : Sounf 3g, poodena 3g, dar cheeni, ellachi sabaz 1, 1 gram, 1 glass pani mein josh dain jab aik cup reh jaiy chaan kar pilain. Mattali o kayy kay liay akseer hay.

Maiady ki Jallan : Sounf, millathi maqshar hamwazn safoof tiar kren. Subha, dophar aur sham khany say kabal hamrah sounf estmal kren.

Kabaz say Nijaat : Sounf 5 tola, gul kand 20 tola mein mila dain. Subha o sham khoob chaba chaba kar kha lia kren. Tamam amraz e maiada khas tor par daiami kabaz kayliay saree ul asar dawa hay.

Wehashat o Khouf : Souf 5g, gul gao zuban 5g, josh day kar chaan lain, 1 spoon shahaid mila kar subha nihar muh estmal kren, wehashat o khouf, dil ki ghabrahat aur darhankay ki shikaiat mein nihaiat umada aur mufeed hay.

Paichas : Sounf 1 tola, halila siah half tola, ellaichi khurd 11, gul kand 1 chatank, anar dana 1 tola, munaka 5, poodena half tola. Sab ko aik pani mein bhigo dain. 1-2 hour kay bad achi trha ghot kar chaan lain, subha, dophar aur sham estmal kren. Eshal o paichas mein nihaiat mufeed aur mujrrab hay.

Nafa Khas : sounf mukkavi maiada o basar hay.

Mussllah : Sounf kay mussllah kasheenz o sandal safaid hain. Jabkay eska badal tukham karfas aur mikdar 5-7 masha hay.

Sounf Kay Fawaiad :

Paichas ki beemari mein mareez ko 2 tola sounf, 5 tola gulkand pani mein ragar kar garmion kay mousam mein aur josh day kar sardion kay mousam mein 3-4 bar din mein pilany say aaram ho jata hay.

Beenai ko kaim rakhnay kay liay eskay joshanday ya badian sabaz kay pani mein surma ko kharal kar kay aankhon mein lagaty hain.

Pait ki dard, aphara aur kollanj mein bay had mufeed hay.

Sounf ki jarr 6 masha ragarr kar peeny say dard e kamar ko arram milta hay.

Tali aur massany kay rukao ko durast krti hay.

Peeshab aur haeez ko jarri krti hay.

Saeena, jigar aur gurday kay sudday nikalti hay.

Sounf kamzori demagh aur kowat e hazma kay behtreen dawa hy.

196-sounf-kay-faiday-Sounf-say-desi-ilaj-

Related Posts Plugin for WordPress, Blogger...

___________________________________________________________________