Nakhun Per Tail Lagana

Nakhun Per Tail Lagana

291-Nakhun-Per-Tail-Lagana-0

Bohat purani bat he aik baba je ko daikha nakhun katnay ke bad apny nakhunon ko sar par es trha mal rahy the jaisy sar khujaty hain phir maltay hain, phir nakhunon ko daitkhy hain sar hila kar kehty hain nahi abhe thora he phir nakhun sar par malty hain. Esi trha sar ke balon mein phair kar wohi tail paon ke nakhun jo abhe katy the en par lagaty. Mein daikh raha tha kion ke mezaaj mein justajo aur research padaishi aur azali he. Majboor ho kar poch baitha ke baba je ye ap kia kar rehy hain? Baba je kehny lagy es say faiada hota he. Ye jawab mray dil mein utra nahi. Mein nay pocha kia faiada hota he? Kehny lagy dil o demagh mazboot hota he, nazar kamzor nahi hoti, hafiza theek rehta he, banda pagal nahi hota.

Mein nay agla sawal kia ke ap ko kaisy pata chala? Kehnay lagy mary nana abtadai jawani mein ankhain day baithy, bohat ilaj kiay, es wakat hindostan Pakistan aik tha, Mithara India mein aik jaga ka nam he, wahan ankhon ka aik mashoor doctor tha, bohat lamba safar kar ke wahan pohnchay. Es nay bhe ilaj kia liakin faiada na hua. Kisi nay kaha esko 2 kam karvao, aik badam ki 21 girrian raat ko pani mein bhigo dain aur esi ke sath aik khany wala chamach sounf bhe bhigo dain. Dono cheezain subha uth kar chaba chaba kar khaian aur har 3rd day hathon aur paon ke nakhun katain chahaye thory thory he kion na hu aur en par tail lagain, chonkay har ilaj mualijay say thak chukay thy ye ilaj aasan aur sasta bhe tha aur umeed bhe thi…. Shayad kuch ho jaiy lehaza shoro kar dia. 2-3 mah kia laikin faiad na houa, en say ja kar phir milay, kehnay lagay ghabrain nahi apko zaror faiada hoga aur apka bacha(yani mary nana) 100% theek ho jaiy ga. Hamain tassali di aur khud kai wakiat sunay ke ap ye kam kren faiada hoga, enki tassali par aur wakiat par phir bharosa kar ke badamon ki girrain aur sounf ka nuskha aur hath paon ke nakhunon par tail lagana shoro kar dia.

Kam az kam 7 mah ye lagaty rehy, aik din mary nana kehnay lagy wo daikho bhainsain (jin mein aik langari thi) phir kehny lagy wo langari bhans ja rahi he. Ham nay kaha shaiad andazay say keh rahy hain, poocha kis traf , daian ya baian, unhon nay wo simat bata di aur tadad bhe bata di. Mary nana ke walad ki haiay nikal gi….. ke Alhamadullillah mara beta theek ho gia. Eskay bad undhon nay es dawa ko yani badam, sonf aur nakhunon par tail mazeed 3 saal estmal karvaia, mary nana 80 saal say ziada umar mein foot huy. Enki yadashat bohat mazboot, hafiza kavi, aasab mazboot the. Ghar ki lakarian kulhary say khud torrtay kat’tay, khachar par door jangle ke aik khandar say matti laty. Ghar lapai ke liay esi khachar par door chashmay say pani laty. Ghar ki gandum mari nani peesti kabhi mehman aaty ya shadi hoti to borion ki borian khud peesty. 80 saal ki umar mein khoob mehnat mushakat karty, chand ki roshni mein parh laity. Hafiza mehfooz, sehat lajwab, ghutnay mazboot aur jisam aisay jaisy tarzan. To baba je mazeed kehnay lagy ye cheez mein nay apny nana say li he. Aaj mari umar bhe 70 saal say oper he aur mujh koi rog aur takleef nahi aur mein Alhamadulliah 100% tandrusat hu aur mari tandrusti ap ke samany he. Aur waki baba je ki tandrusti ke charchay thy, log missal daity the ke baba je nay purany wakaton ka desi ghee khaia he laikin es desi ghee ka raaz aj khula he! Jab baba je nakhun say apna sar khuja rahy the.

Karaian! Ye totka bazahir chota bilkul mamuli laikin apni keemat aur takat ke atbar say bohat bara he. Salha saal say mein khud bhe kar raha hu aur beshumar logon ko bhe bata raha hu jis ko bhe mein nay bataia esko mein nay eskay hairat angeez kamalaat patay daikha. Kion ke ye totka apko kabal az wakat borrha hony say rokay ga. Aap mard hain ya aurat koi bhe bhurhapa nahi chahta aur burraha hona fatiri amal he laikin kabal az wakat burhapa rog hota he aur es say zindgian niddhal ho jati hain aur ensan ki keemat aur wakar nahi rehta jo ke hona tha.

Aayae! Es totkay ko azmaian, apni naslon mein rawaj dain kion ke choti cheez ko nazar andaz kar ke ensan barri bemarian, bary dukh aur rog apny galay laga laita he.

291-Nakhun-Per-Tail-Lagana-0- 291-Nakhun-Per-Tail-Lagana-1- 292-Nakhun-Per-Tail-Lagana-2- 293-Nakhun-Per-Tail-Lagana-3- 294-Nakhun-Per-Tail-Lagana-4- 295-Nakhun-Per-Tail-Lagana-5-

Related Posts Plugin for WordPress, Blogger...

___________________________________________________________________