Mango Health Benefits – Aam kay Faiday Urdu

Mango Health Benefits – Aam kay Faiday Urdu

164-mango-health-benefits-aam-kay-faiday-urdu

AANOKHA PHAL ANOKHAY KIRSHMAY

Kacha aur paka hua aam (mango) dono surton main tabbi afadiat say bhe bharpoor hota hay. Kacha aam tursh, kabiz aur dafa e sakrvi hota hay. Kachay aam ka chilka kabiz aur makkavi hota hay. Aam kay pairr ki chall bhe kaabaz aur nasanji bafton kay liay maskn hoti hay. Aam ka achhar pury barr e sagheer main bohat makbool hay aur margoob hay.

————————————————————————————

Aam musam garma ka aik gran kadar tuhfa hay. Pak o Hind ka makbool tareen phal hay. Apni sheerini aur halawat ki wja say puri dunia main sab say zaiada pasand kia jany wala phal hay. Ye aik kameeti ghiza aur gharailo ilaj ki cheez hai. Veedon main aam ko soorag ka phal keh kar bohat tareef ki gi hay.

Ghizai shifa bakhsh aur tibi istamal: kacha aur paka aam donon surton main tibi afadyat se bharpoor hota hai.kacha aam tursh, qabaz aur dafya sakrvi hota hay. Kachy aam ka chilka kabaz aur makavi hota hay. Aam ka achar pury barre sagheer main bohat makbool aur marghoob hay, laikin agr bohat khatta, masalay dar aur bohat ziada tail main dooba ho to sehat kay liy nuksan dy hay. Jo log jorron kay dard aur soozish main mubtla hu enhain khas tor par es say parhaiz krna chahyae. Naak ki hadi ki soozish, galy ki kharash aur tazabiat kay shikar logon ko achar mukmal parhaiz krna chahaye.

Paka hua aam dafae sakawy, pishab aur milen ,maqwi aur wazan barhane wala phal hai.ye dil key pathon ko mazboot banaa hai, rangat saf karta hai aur bhook barhata hai iska istamal badan mein sat chizon ko bnane main madad deta hai.mede ki hazam karne wali ratubat, khoon,charbi, hadyon ka gooda aur mada manwya, aam ka phal jigar ki kharabyon, wazan ki kami aur digar jismani be qaidgyon ko bhi door karta hai.

Kache aam key fawayed:

loo lagna: adhoora paka hua aam dhoop ki hadad aur garam hawa key asratko khatam karta hai. Neem pukhta yani kache pake aam ko garam rakh main paka kar is key gude ko pani aur chini main dal kar aik mashroob tyar kar lia jata hai. Ye mashroob heat strook yano loo lagne key bad asrat dur karne main intahai mosar hai. Kache aam ko namak laga kar khana pias ki shidad mitata hai. Iska istamal garmyon main izafi pasine se sodium cloraid ki kami ko door karta hai.

Mede aur antryon ki beqaidgyan: kache sabaz aam mede aur antaryon key ilaj key lie bohat mufeed hain.aik ya do kache aam jin ki guthli abi puri tarha na bani ho namak aur shehad key sath khana garmi, ishal, pechish,bawaseer,subah key izmhalal, purani badhazmi, fsad hazam aur qabz key liy bohat mosar hai.

Kache aam safrawi bimaryon main bhi umda ilaj bilgiza hain. Kache aam main pae jane wale acids safra ka akhraj barha dete hain aur antryon key lie jaraseem kash made ka kirdar ada karte hain .kache aam rozana shehad aur kali mirch key sath khana safra se nijat deta hai. Bacteria ki waja se protin key juze badan na banne ki kefyat , yerqan aur chapaki main bhi mosar rehta hai, kache aam ka mazkura istamal jigar ko taqwyat deta hai au rise sehat mand rakhta hay.

Khoon ki Bemarian : kacha sabz aam vitamin C ki wafer mikdar kay sabab khoon kay amraz ka bhe kargar ilaj hay. Ye tabdik, anemia, haiza aur peichas kay khilaf badan mein mazhamat barhata hay.

Baloon Ki Siahi kay Liay : kachy aamon ko tal kar tail mein dal kar hamrah siah bakhray kay sheeray wazan biltarteeb aik kilo , adha pao tail aur aik pao sheera kisi lohay kay bartan mein dal kar muh band kar kay char mah tak zameen main dafan kar kay nikal kar thora thora rozana khana say safaid bal siah ho jaty hain.

Pakay Aam kay Fawaiad :

Ankhon ki Bemarian : shab kori yani raat ko nazar na aany ya kam roshani main na daikh sakny kay marz main paka hua aam behtreen ilaj hay. Ye marz vitamin A ki kami ki waja say lahaq hota hay. Ye marz gareeb waldain kay bachon main ghizaiat ki kami kay sabab bohat aam hay. Aam kay musam mein enka khoob estmal es marz kay tadarak main muavan rehta hay. Enka estmal kai aur amraz e chasham ko bhe door krta hay jo anjam kar mukamal andhay pan ki tarf lay jaty hain. Aamon ka wafar mikdar mein estmal bhangay pan, ankhon ki khushki, karniay ki narmi aur ashoob e chasham kay amraz ko bharnay say rokta hay.

Infection : Tamam bacteria ka hamla es liy mumkin hota hai kay jism ki kharji teih banany wali baftain kamzor ho jati hain. Aam kay musam mein eska azadana estmal bafton ki es kamzori ko dor krta hay. Chunacha bacteria ka jism mein dakhla mumkin nahi rehta. Es kafiat kay bad pay dar pay infection masln nazla, zukam aur naak k sozish runuma nahi hoti. Es thafaz ki waja aam mein pai jani wali vitamin A ki wafar mikdar hay.

Wazan ki Kami : Wazin ki kami ki surat main aam aur doodh ka estmal zabardast aur misali hay. Es andaz kay ilaj kay liay hamaisha khoob paky huy aur meethay aamon ka entkhab krna chayae aur enhain doodh kay sath din main 3 bar laina chayae. Phaly aam khaian aur enkay bad doodh pian. Chunkay aam mein bazat e khud wafar mikdar mein shakar hoti hay es liay doodh cheeni kay bagair pian. Kam az kam 1 mah pian.

Ziabetas : Ziabetas kay marz mein aam kay pairr kay nokhaiz patay bohat mufeed samhya jaty hain. Taza paton ko raat bhar pani main bhigoay rakhny kay bad subha pani ko chanany say phaly ye paty esi pani mein achi trha nachoor liy jain. Ye mashroob rozana subha peeny say ziabitas par kabo pany mein madad milti hay. Es mashroob kay mutbadal kay toor par taza paton ko saiy khushk kar lia jata hay, phr enka safoof bana kar mehfooz kar laity hain. Ye safoof din mein 2 bar yani subha o sham half spoon pani kay sath estmal kren.

Tapdik say Nijat kay liay : Taza aamon ka rus 20 tola shahaid 5 tola mila kar subha sham estmal kren aur din raat main kam az kam 3 bar gaiy kay doodh ya bakari ka doodh 21 din tak estmal krny say tapdik kay lailaj marz say bhe mareez sehat yab ho jata hay.

Galay ki Bemarian : Aam ki chaal khunaak aur galy ki degar bemarion kay ilaj mein karamad hay. Eska sial barooni malish aur gararon kay liay bhe estmal kia jata hay. Gararay krny kay liay banaia janay wla mashroob 125ML chaal ko ubaal kar banaia jata hay.

Bichoo ka Dang : Aam kay phal torrny kay wakat shaakh say jo rus niklta hay esy bichoo kay dang par lagaia jaiy to forrn dard door ho jata hay. Shahad ki makhi kay dang par bhe yehi rus jama kar kay botle mein mehfooz kar laina chayae.

Aam khany kay bad jaman kha lainy say aam jald hazam ho jaty hain kion kay jaman ap ka musallah hay.

164-mango-health-benefits-aam-kay-faiday-urdu-

Related Posts Plugin for WordPress, Blogger...