Boiled Rice Water Benefits

Boiled Rice Water Benefits – Oblay Huway Chawalon Ke Pani ka faida –¬†Boiled Chawal Ke Pani Ke Faide

Tamam logon bilkhasos khawateen ki khawhish hoti hay keh inn kay chehray per jhoriyan, chaiyan aur keel mahasay paida na hon aur iss maqsad kay liaye kareemon (creams) per hazaron rupay bhi lagati hain laikin agar aap chawalon (rice) kay pani ka istamal karen to aap inn masnoi kareemon (artificial creams) say bach saktay hain. Chawalon ko 20 minutes halki aanch per obalnay kay bad iss ka pani phainknay ki bajaye isay botal main rakh lain. ain apko iss kay mukhtalif faiday batatay hain.

Jild Ki Shadabi (Freshness of Skin) :

Agar ap apni jild ko tarotaza (fresh) rakhna chahtay hain to jild per chawalon ka pani (rice water) lagain. Iss ki wajah say jild per mojod murda khuliaye (Dead cells) khatam hon gay aur sath he nai jild paida ho gi. Chehra dhonay kay bad rui (cotton) kay galay per chawalon ka pani lagain aur isay chehray per massage karen.

Keel Mohason Ka Ilaj (Acne, Pimple Treatment) : keel muhase ka ilaj




Agar jild per keel mohasay ban’nay lagain to iss per chawalon ka pani laganay say jild theek ho jaye gi aur aap baghair koi caream lagay keel mohason say nijat pa lain gay.

Agzima Ka Ilaj (Agzima Treatment) :

Jin afrad ko jaldi bemari agzima ki shikayat ho onhain chahiaye keh koi cream laganay ki bajaye (instead) chawalon ka pani istamal karen. Jin afrad ko yeh masla darpaish hota hay onhain jild per kharish, chubhan aur jalan ki shikayat hoti hay, aisay logon ko chahiaye keh jisam kay jis hisay per yeh takleef ho wahan chawalon ka pani din main 2 say 3 bar lagain.

Conditioner:

Sar dhonay kay liaye koi conditioner istamal karnay ki bajaye balon ko chawalon kay pani say dhoain aur kuch dair intazar kay bad neem-garam (light hot) pani say bal dhoain. Iss totkay ki achhi bat iss ki wajah say na sirf bal naram aur molaim (soft and silky) hon gay balkeh issay haftay main 3 bar dohraya bhi ja sakta hay.

Related Posts Plugin for WordPress, Blogger...