Badam Bhigo Kar Khana Ke Faide

Bheegay Badam Khanay Ka Kia Faida Hay? Wet Almonds Benefits:

Badam Bhigo Kar Khana ke faide: Badam (almond) ki afadiyat say inkar nahi kia ja sakta, inn kay istamal say jisam ko motawazan ghiza milti hay. Agar badamon’ (almonds) ko pani main bhigo kar istamal kia jaye to iss kay fawaid dognay (double) ho jatay hain. Inn main mojod vitamins, minerals, vitamin E, zinc, calcium, megnasium aur omega-3 fati acid say jisam chak-o-choband rehta hay. Chalain ap ko batatay hain keh agar ap rat ko char (04) badam bhigo kar agli subah (next morning) khain to jisam per kia asar ho ga.

Bheegay badam khanay ka kia faida hay? Wet Almonds Benefits:

Khushk badam main aik anziam mojod hota hay jo badam bhigonay ki sorat main maiday (stomach) main jald hazam hota hay. Agar badam khushk ho to osay hazam honay main dair lagti hay, lehaza (so) badam bhigonay ki sorat main yeh asaani say hazam ho jain gay.




Dil Ki Sehat (Almonds are Good for Heart Health) :

Iss main mojod protin aur potacium ki waja say yeh dil ko mazbot kartay hain, inn main mojod vitamin-E ki waja say dil ki bemariyan dour hoti hain aur magnicium say dil ka dora (heart attack) nahi parta. Badamon (almonds) main yeh khasiyat mojod hay keh inn ki wajah say dil ki shariyano (veins) ki sozish kam hoti hay.

Fori Tawanai (Almonds are Source of Instant Energy) :

Agar ap jismani kamzori mehsos kartay hain to muthhi-bhar badam rozana khanay ki adat dalain. Inn main mojod copper, megnese aur iron ki wajah say rate barhta (increase) hay aur sath he jismani kamzori dour hoti hay.

Karestrol main kami (Almonds lower the Bad Cherestrol) :

Iss main mojod calcium aur vitamin E ki wajah say cherestrol level kam ho ga.

Demagh Kay Liaye (for Healthy Brain) :

Tehqiqat main sabit huwa hay keh badamon main mojod riboflavin aur Alcerintine ki wajah say demagh ki nashonoma (growth) hoti hay aur asaabi kamzori dour hoti, lehaza demagh ki behtar nashonoma kay liaye badam khanay chahian.

Hadiyon Ki Sehat (for Healthy Bones) :

Iss main mojod phasphoras ki wajah say hadiyon ki kamzori nahi hoti, jabkeh vitamins aur minerals say hadiyan mazbot hoti hain.

Blood Pressure Main Kami (Lower BP) :

Iss main mojod potacium ki wajah say sodium control main rehta hay jis ki wajah say buland-fishar-e-khoon (high blood pressure) ka masla hal ho jata hay.

Cancer say bachao (Protect from cancer) :

Iss ki waja say maqad main khorak ki naqal-o-hamal behtar hoti hay aur fozla ba-asaani bahar kharij ho jata hay aur insan bari-ant aur maiday kay cancer say mehfo rehta hay. soaked almonds benefits for different things.

Related Posts Plugin for WordPress, Blogger...